Pakistanın Baş naziri Şahbaz Şərif Yaxın Şərqdəki münaqişənin tərəflərini təmkinli olmağa və gərginliyin azalması üçün dialoqu davam etdirməyə çağırıb.

"Report" xəbər verir ki, baş nazir bunu "X" sosial şəbəkəsindəki səhifəsində yazıb.

Pakistan hökumətinin başçısının sözlərinə görə, dövlətlər arasındakı münaqişələrin həllinə diplomatik yanaşma silahlı qarşıdurmadan fərqli olaraq böyük perspektivlər vəd edir və nəticəyə nail olma şansını artırır.

"Yaxın Şərqdə zorakılığın son dalğası kövrək atəşkəslə bağlı təhlükələrin və onun səbəb ola biləcəyi ağır nəticələrin xatırlatmasıdır. Qardaşlarımız və tərəfdaşlarımızla birlikdə münaqişənin diplomatik həll yolunun tapılması üzərində vicdanla və diqqətlə işləyərək bütün tərəfləri səmimi şəkildə təmkinlilik nümayiş etdirməyə və sülhə daha bir şans verməyə çağırırıq. Gəlin zorakılıq və dağıntılar əvəzinə parlaq uğur perspektivləri vəd edən sülh və diplomatiya yolunda qalmağa davam edək", - o yazıb.

Oxşar xəbərlər

Şahbaz Şərif Yaxın Şərqdəki münaqişə tərəflərini atəşkəsə riayət etməyə çağırıb

Avropa liderləri İran və İsraili təmkinli olmağa çağırıblar - YENİLƏNİB

Pakistan İranla razılaşma üçün Trampdan vaxt istəyib

Cinpin və Şərif Yaxın Şərqdəki vəziyyəti müzakirə ediblər

Şahbaz Şərif: Pakistan İran-ABŞ danışıqlarına ev sahibliyi etməyə hazırdır