"Qarabağ"ın Macarıstanda "Ferentsvaroş"a qarşı keçirəyi UEFA Çempionlar Liqasının pley-off mərhələsinin ilk oyununa təyinat alan portuqaliyalı hakim Juan Pedru da Silva Pineyru daha əvvəl bir dəfə Azərbaycan komandasının qarşılaşmasını idarə edib.

"Sizinxeber.az"un məlumatına görə, 37 yaşlı ədalət təmsilçisi 2021-ci ildə "Neftçi"nin matçında iş başında olub.

FIFA referisi həmin vaxt "ağ-qaralar"ın Yunanıstanda "Olimpiakos"a uduzduğu (0:1) Çempionlar Liqasının II təsnifat mərhələsinin cavab görüşündə baş hakim olub. Pineyru meydan sahiblərindən Madi Kamaraya, "Neftçi"də isə Mert Çelikə qırmızı vərəqə göstərib.

2016-cı ildən beynəlxalq oyunlara təyinat alan hakim avqustun 13-də Fransanın PSJ və İngiltərənin "Tottenhem" komandaları arasında keçirilmiş UEFA Superkubok matçını da idarə edib. Həmin görüşdə azərbaycanlı FIFA referisi Elçin Məsiyev dördüncü hakim olub.

Qeyd edək ki, "Ferentsvaroş" - "Qarabağ" oyunu avqustun 19-da, Bakı vaxtı ilə saat 23:00-da start götürəcək. Cavab qarşılaşması avqustun 27-də Tofiq Bəhramov adına Respublika stadionunda, saat 20:45-də başlayacaq.

Oxşar xəbərlər

"Qarabağ"ın matçına təyinat alan rumıniyalı hakim daha əvvəl "Qəbələ"nin oyununu idarə edib

"Qarabağ"ın oyununa təyinat alan hakim Ağdam klubunun matçında zədələnib

Azərbaycan millisinin oyununa təyinat alan referi daha əvvəl "Neftçi"nin matçını idarə edib - ARAŞDIRMA

Azərbaycanlı FIFA referisi UEFA Konfrans Liqasının oyununa təyinat alıb

Azərbaycanın FIFA referisi Avropa Liqasının oyununa təyinat alıb