Bu gün UEFA Çempionlar Liqasında pley-off mərhələsinin püşkü atılıb.

Apasport.az xəbər verir ki, mərasimdə Azərbaycan çempionu “Qarabağ”ın da potensial rəqibləri dəqiqləşib.

Ağdam təmsilçisinin “Şkendiya” ilə duelinin qalibi “Lüdoqorets” (Bolqarıstan) – “Ferentsvaroş” (Macarıstan) cütünün güclüsünə rəqib olacaq.

Hər iki komanda "Qarabağ" üçün tanışdır. Belə ki, Azərbaycan təmsilçisi 2024/25 mövsümünün Çempionlar Liqasının III təsnifat mərhələsində "Lüdoqorets"lə qarşılaşıb. "Köhlən atlar" iki oyunun nəticəsinə görə rəqibini 8:4 hesabı ilə mübarizədən kənarlaşdırıb.

2023/24 mövsümündə ağdamlılar Avropanın ən nüfuzlu klub yarışının eyni mərhələsində "Ferentvaroş"la üz-üzə gəlib. Komandamız burada da mərhələni keçən tərəf olub - 4:2.

Qeyd edək ki, bu mərhələnin oyunları 19-20 və 26-27 avqust tarixlərində keçiriləcək.

Oxşar xəbərlər

ÇL: "Qarabağ"ın potensial rəqibləri bəlli olub

Çempionlar Liqası: "Qarabağ"ın pley-offdakı potensial rəqibləri bəlli olub

Konfrans Liqası: Azərbaycan təmsilçilərinin potensial rəqibləri bilinib

ÇL: “Qarabağ”ın növbəti mərhələdəki rəqibi müəyyənləşib