Sevindirici haldır ki, iştirakçıların və finişə çatanların sayında artım müşahidə olundu.

"Report" xəbər verir ki, bunu Qəbələ-Xankəndi ultramarafonunun ardından jurnalistlərə açıqlamasında gənclər və idman naziri Fərid Qayıbov deyib.

O, yarışın yüksək səviyyədə təşkil olunduğunu söyləyib:

"Qarabağda yenidənqurma işləri son sürəti ilə davam etməkdədir. Biz də öz növbəmizdə artıq bir neçə dəfə işğaldan azad olunmuş torpaqlarda yarışlar keçirmişik. Ötən il ultramarafon Xankədidə start götürmüşdüsə, bu il Xankəndidə yekunlaşdı. Sevindirici haldır ki, iştirakçıların və finişə çatanların sayında artım müşahidə olundu. Hətta, bu il qadın iştirakçıların sayı da ötənilkinə nisbətən çoxluq təşkil edirdi. Bundan başqa, yarışda iştirak edən əcnəbi idmançıların da çoxluğu təqdirəlayiq hal idi. Bu hal bir daha sübut edir ki, doğru yoldayıq. Yarışın maraqlı keçməsinə görə Azərbaycan Atletika Federasiyasına və Bakı Şəhər Halqasına öz təşəkkürümü bildirirəm".

Oxşar xəbərlər

Fərid Qayıbov: "Artıq dördüncü dəfədir ki, "Qələbə qaçışı"ını təşkil edirik"

AAF prezidenti: "Ultramarafonun Xankəndidə baş tutması mənim üçün xüsusi məqamdır"

Fərid Qayıbov: "Kürü keçək?!" yarışına digər ölkələrin iştirakçılarını da cəlb etməyi planlaşdırırıq

Fərid Qayıbov: Yaylagül Ramazanovaya baxan gənc qız və oğlanlarımız kamandan oxatma yarışlarına maraq göstərəcəklər

Nazir: Azərbaycanda təhsil alan əcnəbi tələbələrin sayında əsaslı artım var