Azərbaycan güləşçisi Jalə Əliyeva (57 kq) Slovakiyanın paytaxtı Bratislavada keçirilən Avropa çempionatında bürünc medal qazanıb.

"Sizinxeber.az"un məlumatına görə, o, üçüncü yer uğrunda görüşdə Cenna Hemyae (Finlandiya) ilə üz-üzə gəlib.

Əzmkar qələbə qazanan J. Əliyeva bürünc mükafata sahib çıxıb.

Qeyd edək ki, daha əvvəl sərbəst güləşçilər 1 qızıl, 1 gümüş və 4 bürünc mükafata sahib çıxıblar. Giorgi Meşvildişvili (125 kq) Avropa çempionu olubsa, Osman Nurməhəmmədov (92 kq) gümüş, İslam Bazarqanov (57 kq), Əli Rəhimzadə (65 kq), Kənan Heybətov (70 kq) və Ağanəzər Novruzov (74 kq) bürünc medala sahib çıxıblar.

Azərbaycanın sərbəst güləş millisi komanda hesabında Avropa çempionu olub. Qitə birinciliyi aprelin 13-də başa çatacaq.

Oxşar xəbərlər

Avropa çempionatı: Azərbaycanın iki qadın güləşçisi mübarizəyə başlayır, biri medal görüşünə çıxacaq

Avropa çempionatı: Azərbaycanın yunan-Roma güləşçiləri mübarizəyə başlayır

Azərbaycan güləşçisi Avropa çempionu olub

Avropa çempionatı: Azərbaycan güləşçisi gümüş medala sahib çıxıb

Azərbaycan güləşçisi ermənistanlı rəqibinə qalib gələrək finala çıxıb