Prezident İlham Əliyevin “Məhkum edilmiş bir sıra şəxslərin əfv olunması haqqında” imzaladığı sərəncamın icrasına başlanıb.

Sizinxeber.az xəbər verir ki, Sərəncamın icrası Ədliyyə Nazirliyi Penitensiar Xidmətinin müəssisələrində və Probasiya xidmətində həyata keçirilir.

***

12.06

Prezident İlham Əliyevin “Məhkum edilmiş bir sıra şəxslərin əfv olunması haqqında” imzaladığı sərəncamın icrası bu gün həyata keçiriləcək.

Bu barədə Sizinxeber.az-ya Penitensiar Xidmətdən məlumat verilib.

Qeyd edək ki, Prezident İlham Əliyevin “Məhkum edilmiş bir sıra şəxslərin əfv olunması haqqında” sərəncamı ilə azadlıqdan məhrum etmə cəzasına məhkum olunmuş 175 nəfər cəzanın çəkilməmiş hissəsindən azad edilib. Sərəncama əsasən, 25 nəfərin cəzasının çəkilməmiş hissəsi yarıyadək azaldılıb, azadlıqdan məhrum etmə cəzasına məhkum olunmuş və cəzası şərti tətbiq edilmiş 1 nəfər, azadlıqdan məhrum etmə cəzasına məhkum edilmiş və cəzalarının çəkilməsi təxirə salınmış 2 nəfər cəzadan azad edilib.

Bundan başqa, azadlığın məhdudlaşdırılması cəzasına məhkum edilmiş 10 nəfər cəzanın çəkilməmiş hissəsindən azad edilib, azadlığın məhdudlaşdırılması cəzasına məhkum edilmiş 2 nəfərin cəzasının çəkilməmiş hissəsi yarıyadək azaldılıb, islah işləri cəzasına məhkum edilmiş 4 nəfər cəzanın çəkilməmiş hissəsindən, cərimə cəzasına məhkum edilmiş 1 nəfər cəzadan azad edilib.

Oxşar xəbərlər

Əfv Sərəncamı bu gün icra olunacaq

Əfv sərəncamı ilə 175 nəfər cəzanın çəkilməmiş hissəsindən azad edilib

Əfv Sərəncamının icrasına başlanılıb - YENİLƏNİB

Məhkum və həbs edilmiş şəxslər 26 seçki məntəqəsində səs verirlər

Əfv sərəncamı 6 saylı Cəzaçəkmə Müəssisəsində icra olunub