Bakıda minik avtomobili ilə moped toqquşub, bir nəfər ölüb

Bakıda bir nəfərin ölümü ilə nəticələnən yol-nəqliyyat hadisəsi baş verib.

APA xəbər verir ki, hadisə Nəsimi rayonunda baş verib.

Belə ki, Sadəddin Ağakişiyevin idarə etdiyi “Toyota Prius C” markalı avtomobil Samir Məmmədovun idarə etdiyi “Minsk” markalı mopedlə toqquşub.

Qəza nəticəsində mopeddə sərnişin qismində olan Əşrəf Mirzəyev müxtəlif dərəcəli bədən xəsarətləri alıb.

O, xəstəxanaya çatdırılsa da, həyatını xilas etmək mümkün olmayıb.

Faktla bağlı cinayət işi başlanılıb.