Göygöldə minik avtomobili dəmir arakəsməyə çırpılıb, bir nəfər ölüb

Göygöldə ölümlə nəticələn ağır yol-nəqliyyat hadisəsi baş verib.

Sizinxeber.az-nın yerli bürosunun məlumatına görə hadisə Bakı-Qazax magistral yolunun rayon ərazisindən keçən hissəsində qeydə alınıb.

Belə ki, hərəkətdə olan "Mercedes" markalı minik avtomobili idarəetməni itirərək yol kənarındakı dəmir arakəsməyə çırpılıb.

Qəza nəticəsində 1990-cı il təvəllüdlü R. İmanov hadisə yerində ölüb.

Hadisə yerinə DYP əməkdaşları cəlb olunub.

Faktla bağlı araşdırma aparılır.