Şamaxı rayonunda güclü külək və intensiv yağışın törətdiyi fəsadlar aradan qaldırılır.

"Report"un Yuxarı Şirvan bürosu xəbər verir ki, rayonda müşahidə olunan güclü külək və intensiv leysan yağışları ilə bağlı operativ tədbirlər davam etdirilir.

Rayonda fəaliyyət göstərən müvafiq dovlət strukturları bütün ərazi üzrə dəymiş fəsadların aradan qaldırılması üçün gücləndirilmiş iş rejimində fəaliyyət göstərirlər.

Güclü külək nəticəsində aşan ağacların ərazidən götürülməsi və ərazi üzrə sel ötürücü qurğuların nəzarətdə saxlanılması təmin olunur.

Qeyri-sabit hava şəraiti ilə əlaqədar rayonun elektrik şəbəkəsində qısamüddətli fasilə yaranıb, görülən operativ tədbirlər nəticəsində rayonda fasiləsiz elektrik enerjisinin verilişi əsasən bərpa olunub.

Hazırda rayon ərazisində küləyin sürəti nisbətən azalsa da, çaylarda selin səviyyəsinin yüksəldiyi, bəzi dağ kəndlərində yağış və qar yağması müşahidə edilir.

Oxşar xəbərlər

Biləsuvar Elektrik Şəbəkəsi: Küləklə müşahidə olunan leysan yağışının fəsadları aradan qaldırılır

"60-a yaxın yaşım var, hələ belə külək görməmişdim" - Güclü küləyin ciddi fəsadları

Salyanda elektrik enerjisinin verilişi bərpa olunub - YENİLƏNİB

Qərb bölgəsində küləkli hava ciddi fəsadlar törədib

Gəncədə güclü külək əsir, bəzi ərazilərdə enerjinin verilişi dayandırılıb