Paytaxtda 53 evin qaz sayğacını oğurlayan şəxslər saxlanılıb.

Sizinxeber.az DİN-ə istinadən xəbər verir ki, Bakı şəhərinin Xəzər və digər rayonlarında silsilə oğurluq hadisəsi qeydə alınıb. Paytaxt sakinləri olan 53 nəfər zərərçəkən mənzillərindən qaz sayğaclarının talanması barədə polisə müraciət ediblər.

Xəzər Rayon Polis İdarəsinin əməkdaşları tərəfindən həyata keçirilən əməliyyat-axtarış tədbiri nəticəsində qeyd olunan cinayət əməllərini törətməkdə şübhəli bilinən Abbas Əliyev və Bayram Hüseynov saxlanılıblar.

Araşdırmalarla məlum olub ki, həmin şəxslər müxtəlif vaxtlarda adətən gecə saatlarında çıxarışı olan evlərdən qaz sayğaclarını oğurlayaraq çıxarışı olmayan mənzillərin sahiblərinə satıblar.

Faktla bağlı Cinayət Məcəlləsinin müvafiq maddəsi ilə cinayət işi başlanılıb.

A.Əliyev və B.Hüseynovun digər analoji cinayətlərdə iştirakının olub-olmaması istiqamətində araşdırmalar aparılır.

Oxşar xəbərlər

Bakıda 53 evin qaz sayğacını oğurlamaqda şübhəli bilinən şəxslər saxlanılıb

Avtomobillərdən kütləvi oğurluqlar edən şəxslər saxlanılıb - VİDEO

Ağdaşda 18 baş rəst at oğurlayan iki nəfər tutulub

Bakıda maskalı şəxslər 7 marketdən 42 min manatlıq oğurluq edib - VİDEO

Bakıda avtomobillərdən və evlərdən 40 min manatlıq oğurluq edilib