Fevralın 26-da saat 23:04-də Sərhəd Nəzarəti Komandanlığının "Sədərək" dövlət sərhədindən buraxılış məntəqəsində dövlət sərhədini qanunsuz keçməyə cəhd göstərən şəxs saxlanılıb.

APA xəbər verir ki, bu barədə Dövlət Sərhəd Xidməti və Dövlət Gömrük Komitəsinin birgə məlumatında deyilir.

Belə ki, Dövlət Sərhəd Xidməti və Dövlət Gömrük Komitəsinin əməkdaşları tərəfindən Azərbaycandan Türkiyə Respublikası istiqamətinə hərəkətdə olan 1982-ci il təvəllüdlü İsmayılov Müseyib Ramiz oğlunun idarə etdiyi "Mercedes" markalı minik avtomobilinə baxış zamanı əvvəlcədən hazırlanmış saxlanc yerində gizlənən Azərbaycan Respublikası vətəndaşı – 1988-ci il təvəllüdlü Gözəlov Nicat Ehtiram oğlu aşkarlanmışdır.

Araşdırma zamanı saxlanılan şəxsin hüquq-mühafizə orqanları tərəfindən axtarışda olduğu müəyyən edilmişdir.

Faktla bağlı əməliyyat-istintaq tədbirləri davam etdirilir.

Oxşar xəbərlər

Dövlət sərhədini pozaraq ölkəyə narkotik keçirmək istəyənlər saxlanılıb

Bu il Gürcüstanla sərhədi pozmağa cəhd göstərən 60-dan çox sərhəd pozucusu saxlanılıb

Dövlət sərhədini pozmağa cəhd göstərən Əlcəzair vətəndaşları saxlanılıb

Dövlət sərhədini pozmağa cəhd göstərən 22 nəfər saxlanılıb

Xəzərdə sərhədi pozmağa cəhd göstərən Əfqanıstan vətəndaşı saxlanılıb - VİDEO