Sumqayıtda obyektdə yanğın olub.

Bu barədə "Report"a FHN-dən məlumat verilib

Bildirilib ki, nazirliyin“112” qaynar telefon xəttinə Sumqayıt şəhəri, 18-ci mikrorayonda obyektdə yanğın baş verməsi barədə məlumat daxil olub.

Məlumatla əlaqədar dərhal FHN-in Dövlət Yanğından Mühafizə Xidmətinin Sumqayıt şəhər Yanğından Mühafizə İdarəsinin qüvvələri əraziyə cəlb olunub.

Hadisə yerində əməliyyat şəraiti qiymətləndirilərkən birmərtəbəli çayxananın mətbəxində yanğın baş verdiyi müəyyən edilib.

Yanğınsöndürənlərin çevik müdaxiləsi sayəsində obyektdə baş vermiş yanğın genişlənməsinə, o cümlədən yanxınlıqdakı iaşə obyektlərinə keçməsinə imkan verilmədən qısa müddətdə söndürülüb.

Yanğın nəticəsində ümumi sahəsi 200 kv.m. olan bir mərtəbəli çayxananın mətbəxinin yanar konstruksiyaları və əşyaları 20 kv.m. sahədə yanıb, yüksək temperaturdan 1 ədəd plastik pəncərəsi qismən əriyib.

Çayxananın qalan hisəsi yanğından mühafizə olunub.

Hadisə zamanı xəsarət alan olmayıb.

Oxşar xəbərlər

Sumqayıtda polietilen istehsalı sexində yanğın olub

Bakıda kafedə yanğın olub

Bakıda obyektdə yanğın olub

Sumqayıtda yataqxanada yanğın olub - YENİLƏNİB