Bu gün Tərtər rayonunun Suqovuşan və Talış kəndlərinin erməni işğalından azad edilməsindən 3 il ötür. 

“sx.buludhost.com” xəbər verir ki, 2 oktyabr 2020-ci ildə Ermənistan silahlı qüvvələri Tərtər şəhərini, rayonun Şıxarx qəsəbəsini və Bərdə rayonunun Soğanverdilər kəndini intensiv artilleriya atəşinə tutub. 

Azərbaycan Ordusu 3 oktyabr tarixində Tərtər rayonunun Talış və Madagiz kəndlərini tamamilə işğaldan azad edib.

Azərbaycan Müdafiə Nazirliyinin verdiyi məlumata əsasən, Madagiz-Ağdərə istiqamətində gedən döyüşlər zamanı Ermənistan silahlı qüvvələrinin 77-ci tank taborunun 4 tankı məhv edilmiş, 3 tankı isə qənimət götürülüb.

Həmçinin Ermənistan silahlı qüvvələrinin Ağdərə istiqamətində yerləşən 5-ci dağatıcı alayının müdafiə sahəsinə artilleriya zərbələrinin endirilməsi nəticəsində alayın 4 ədəd avtomobil texnikası məhv edilib.

Əməliyyat nəticəsində Ermənistan ordusu xeyli canlı və qüvvə texnika itirir. Azərbaycanın Suqovuşan su anbarını ələ keçirməklə düşmənin enerji potensialına zərbə vurulmuş, Tərtər, Goranboy və Yevlax rayonlarına suyun verilməsi ilə ekoloji tarazlıq təmin olunub.

Prezident İlham Əliyevin oktyabrın 3-də verdiyi qərara əsasən, Madagizin tarixi adı olan Suqovuşan adı bərpa edilib. 

“Suqovuşanın azad olunmasına görə” medalı təsis edilib və Prezident İlham Əliyevin 2020-ci ilin dekabrın 29-da və 2021-ci ilin iyunun imzaladığı müvafiq sərəncamlara əsasən, bir qrup hərbi qulluqçu “Suqovuşanın azad olunmasına görə” medalı ilə təltif edilib.

Oxşar xəbərlər

Vətən müharibəsinin doqquzuncu günündə azad edilən ərazilər [xfgiven_updateblue][/xfgiven_updateblue]

44 günlük Vətən müharibəsinin xronikası: 9 oktyabr [xfgiven_updateblue][/xfgiven_updateblue]

Füzuli şəhərinin işğaldan azad edilməsindən 3 il ötür [xfgiven_updateblue][/xfgiven_updateblue]

Hadrutun işğaldan azad olunmasından 3 il ötür [xfgiven_updateblue][/xfgiven_updateblue]

Vətən müharibəsinin başlamasından üç il keçir - Anım Günü [xfgiven_updateblue][/xfgiven_updateblue]