Fevralın 12-də saat 13:37-də Azərbaycan-Ermənistan şərti dövlət sərhədinin Zəngilan rayonu ərazisindən keçən hissəsində Ermənistan Silahlı Qüvvələrinin Qafan rayonunun Nerkin-And yaşayış məntəqəsi istiqamətində yerləşən mövqeyindən Dövlət Sərhəd Xidmətinin Sərhəd Qoşunlarının Zəngilan rayonunun Kolluqışlaq kəndi ərazisində yerləşən mövqeyinə atəş açılıb.

“Report”un məlumatına görə, təxribat nəticəsində Dövlət Sərhəd Xidmətinin hərbi qulluqçusu əsgər Pərviz Ağakişi oğlu Xəlilzadə yaralanıb. Hərbi qulluqçu helikopterlə ixtisaslaşmış tibb müəssisəsinə təxliyə edilib.

Bildirilib ki, baş vermiş hadisə, o cümlədən qarşı tərəfdən atəşin aşılması anı videomüşahidə kameraları vasitəsilə qeydiyyata alınıb.

Hazırda əməliyyat şəraiti sabitdir və bölmələrimizin nəzarəti altındadır.

Qeyd olunub ki, Ermənistan tərəfinin bu növbəti təxribatına görə məsuliyyət tam şəkildə Ermənistanın hərbi-siyasi rəhbərliyinin üzərinə düşür.

Oxşar xəbərlər

DSX-nin əsgəri vəfat edib [xfgiven_updateblue][/xfgiven_updateblue]

Bir erməni əsgər öldü, 2-si yaralandı – Azərbaycan təkzib etdi [xfgiven_updateblue][/xfgiven_updateblue]

Ermənilər atəş açdı: Şəhidimiz var - Son dəqiqə [xfgiven_updateblue][/xfgiven_updateblue]

Bu gün şəhid olan hərbçimizin - Fotosu [xfgiven_updateblue][/xfgiven_updateblue]

Gədəbəy istiqamətində mövqelərimiz atəşə tutulub - MN [xfgiven_updateblue][/xfgiven_updateblue]