İqtisadiyyat Nazirliyi yanında İqtisadi Zonaların İnkişafı Agentliyinin idarəçiliyində olan Sumqayıt Kimya Sənaye Parkının yeni qeydiyyata alınmış rezidenti tərəfindən 10,2 milyon manat investisiya yatırılacaq.

“Report” Agentliyə istinadən xəbər verir ki, söhbət Azərbaycan və Türkiyə birgə kapitallı “Elba Chem” QSC-dən gedir. Şirkət tərəfindən Sənaye Parkının ərazisində istehsal gücü ildə 10 min ton olan kalium sulfat (gübrə) istehsalı zavodunun inşası nəzərdə tutulur.

Layihə çərçivəsində 50-dən çox iş yerinin yaradılması planlaşdırılır. Müəssisədə istehsal olunacaq məhsulların daxili bazara satılması ilə yanaşı, ixracı da nəzərdə tutulur.

Beləliklə, Sənaye Parkının rezidentlərinin sayı 41-ə çatıb.

Oxşar xəbərlər

Ağdam Sənaye Parkının rezidentlərinin sayı 27-ə çatıb

Pirallahı Sənaye Parkının rezidentlərinin sayı 7-yə çatıb

Ağdam Sənaye Parkının rezidentlərinin sayı 27-yə çatıb

Ağdam Sənaye Parkında yeni istehsal sahəsi yaradılır

Türkiyə şirkəti Ağdam Sənaye Parkına 20 milyon manatdan artıq investisiya yatıracaq