“Müşahidələrə əsasən deyə bilərəm ki, seçki aktivliyi qənaətbəxşdir, çox güman, günün ikinci yarısında aktivlik daha da artacaq”.

Bunu APA-ya açıqlamasında müxtəlif seçki dairələrində “Exit-poll” keçirən və hazırda "ORACLE ADVISORY GROUP"la birgə fəaliyyət göstərən Vətəndaşların Əmək Hüquqlarını Müdafiə Liqasının əməkdaşı Emin Paşazadə deyib.

“Vətəndaşlar seçkilərin təşkilindən razılıqlarını ifadə edirlər. Hər 10 seçicidən 1-i ilə söhbət aparırıq. 17:00-18:00 radələrində “Exit-poll”un nəticələrinin açıqlanacağı gözlənilir” - deyə o əlavə edib.

Qeyd edək ki, üç beynəlxalq təşkilat “Exit-poll” üçün qeydiyyatdan keçib. “Exit-poll”ları Sosioloji Tədqiqatlar Mərkəzi, Vətəndaşların Əmək Hüquqlarını Müdafiə Liqası ilə birgə "ORACLE ADVISORY GROUP" (Amerika Birləşmiş Ştatları), "Tərəqqi" Sosial Tədqiqatlar İctimai Birliyi ilə birgə isə SWG S.P.A Tədqiqatlar Şirkəti (İtaliya) keçirəcək.

Oxşar xəbərlər

Parlament seçkilərində "exit-poll" keçirmək üçün qeydə alınan təşkilatların sayı 3-ə çatıb

Akkreditasiya üçün müddət başa çatıb, parlament seçkilərində 3 təşkilat exit-poll keçirəcək

Parlament seçkilərində exit-poll keçirmək üçün iki təşkilat qeydə alınıb

Şuşada "Exit-poll" keçirilir - FOTO

2500-ə yaxın məntəqədə exit-poll keçirilir