Andes ştamı hantavirusunun yayıldığı "MV Hondius" gəmisindən təxliyə edilən sərnişinlərə 42 günlük karantin tövsiyə olunub.

"Report"un məlumatına görə, bu barədə Ümumdünya Səhiyyə Təşkilatının (ÜST) rəhbəri Tedros Adhanom Qebreyesus bildirib.

"Tövsiyələrimiz aydındır: 10 maydan etibarən 42 gün aktiv müşahidə, 42 gün karantin və bu karantin ya xüsusi müəssisədə, ya da evdə tamamlana bilər", - o, Kanar adalarına gələn gəmidən sərnişinlərin təxliyəsinin ilk günündən sonra keçirilən brifinqdə bildirib.

ÜST rəhbəri vurğulayıb ki, təşkilat tövsiyələr verir, lakin onları üzv dövlətlərə tətbiq etmir.

O, əlavə edib ki, ölkələr qərarları öz milli protokollarına və risk qiymətləndirmələrinə əsasən qəbul edirlər.

Oxşar xəbərlər

ÜST rəhbəri gəmidə hantavirusa kütləvi yoluxma səbəbindən Kanar adalarına gedəcək

ÜST rəhbəri "MV Hondius" sərnişinlərinin təxliyəsinə nəzarət edəcək

Niderland "MV Hondius" gəmisinin sərnişinlərinə karantin rejimi tətbiq edəcək

Fransada hantavirusa yoluxma riski səbəbindən səkkiz nəfər karantinə alınıb

Azərbaycanda karantin rejiminin uzadılması qərarı qüvvəyə minib