Türk Dövlətləri Təşkilatına (TDT) üzv və müşahidəçi ölkələrin xarici işlər nazirlərinin qeyri-rəsmi zirvəöncəsi görüşü olub.

“Sizinxeber.az” xəbər verir ki, bu barədə Türkiyənin Xarici İşlər Nazirliyinin mətbuat xidməti bildirib.

“Nazirimiz Hakan Fidan Budapeştdə TDT-nin qeyri-rəsmi zirvəsindən öncə təşkil edilmiş açılış tədbirində həmkarları ilə görüşüb”, – xarici siyasət idarəsinin sosial şəbəkə hesabındakı müvafiq postunda yazılıb.

XİN-in dərc etdiyi şəkildə TDT-nin baş katibi Kubanıçbek Ömüralıyev, üzv ölkələrin XİN başçıları – Murat Nurtleu (Qazaxıstan), Hakan Fidan (Türkiyə), Jeenbek Kulubaev (Qırğızıstan), Ceyhun Bayramov (Azərbaycan), Baxtiyar Saidov (Özbəkistan), habelə qurumda müşahidəçi olan Macarıstanın baş diplomatı Peter Siyarto əks olunub.

Xatırladaq ki, Azərbaycan Prezidenti İlham Əliyevin Macarıstanda işgüzar səfərdədir. O, mayın 20-də Macarıstanın Baş naziri Viktor Orbanla görüşüb. Dövlət başçısının mayın 21-də keçiriləcək TDT qeyri-rəsmi zirvəsində iştirak edəcəyi gözlənilir.

Oxşar xəbərlər

TDT-nin 12-ci rəsmi Zirvə görüşü Azərbaycanda baş tutacaq

Türkiyənin XİN başçısı Çinin sədr müavini ilə görüşüb

TDT XİN başçılarının Nyu-Yorkda qeyri-rəsmi görüşü keçirilib - YENİLƏNİB

Ceyhun Bayramovla Hakan Fidanın görüşü başladı

Ankarada Azərbaycan, Türkiyə və Özbəkistan XİN başçılarının görüşü olub