Azərbaycanın xarici işlər naziri Ceyhun Bayramov suriyalı həmkarı Əsəd əl-Şeybani ilə əməkdaşlığın genişləndirilməsi perspektivlərini müzakirə edib.

"Report" xəbər verir ki, bu barədə "Sana" agentliyi məlumat yayıb.

Məlumata görə, telefon danışığı zamanı tərəflər qarşılıqlı maraq doğuran məsələlər üzrə fəaliyyətlərin əlaqələndirilməsinin vacibliyini də vurğulayıblar.

"Nazirlər Suriya hökumətinin ölkənin bərpası və enerji sektorunda sabitliyin əldə edilməsi istiqamətində göstərdiyi səylərin dəstəklənməsinin mühüm olduğunu bildiriblər. Eyni zamanda, siyasi və iqtisadi sahələrdə əməkdaşlığın genişləndirilməsinin vacibliyini qeyd ediblər. XİN başçıları qurumlar arasında əlaqə kanallarının aktivləşdirilməsi və müxtəlif səviyyələrdə səfərlərin təşviq edilməsinin  zəruriliyini vurğulayıblar", - agentlik bildirib

Oxşar xəbərlər

Bakı və Düşənbə arasında əməkdaşlıq müzakirə edilib

Azərbaycan və Monteneqro XİN başçıları regional məsələləri müzakirə ediblər

Ceyhun Bayramov qazaxıstanlı həmkarı ilə regional məsələləri müzakirə edib - YENİLƏNİB

Ceyhun Bayramov yeni iranlı həmkarı ilə regional məsələləri müzakirə edib

Azərbaycan və Rusiya baş nazirləri əməkdaşlığın inkişaf perspektivlərini müzakirə ediblər