Moskvanın və bütün Rusiyanın patriarxı Kirill dekabrın 24-də Azərbaycan Prezidenti İlham Əliyevə zəng edib.

"Report" xəbər verir ki, bu barədə Azərbaycan Prezidentinin Mətbuat Xidməti məlumat yayıb.

Patriarx Kirill dövlət başçısına ad günü münasibətilə təbriklərini çatdırıb.

Prezident İlham Əliyev göstərilən diqqətə və təbrikə görə minnətdarlığını bildirib.

Söhbət zamanı Azərbaycan ilə Rusiya arasında əməkdaşlığın uğurla inkişaf etdiyi vurğulanaraq, humanitar sahədə əlaqələrimizin bu işə töhfə verdiyi qeyd olunub.

Patriarx Kirillin Azərbaycana səfərlərinin humanitar əməkdaşlığın möhkəmlənməsində rolu vurğulanıb.

Telefon söhbəti zamanı ölkələrimizdə dini-mənəvi dəyərlərin qorunub saxlanılması ilə bağlı işlərin uğurla həyata keçirildiyi bildirilib.

Oxşar xəbərlər

Vladimir Putin İlham Əliyevə zəng edib

Qazaxıstan Prezidenti İlham Əliyevə zəng edib

Gürcüstanın Baş naziri Prezident İlham Əliyevə zəng edib

Özbəkistan Prezidenti İlham Əliyevə zəng edib

Şavkat Mirziyoyev Prezident İlham Əliyevi təbrik edib