Qərbi Azərbaycan İcmasının Gənclər Şurasının sədr müavini, Milli Məclisin deputatı Kamal Cəfərov Avropa Şurası Parlament Assambleyasının Fransanın Strasburq şəhərində keçirilən qış sessiyasında Avropa Şurasının İnsan hüquqları üzrə komissarı Dunya Miyatoviçi ifşa edib.

"Report" xəbər verir ki, K.Cəfərov sessiyada məruzə ilə çıxış edən D.Miyatoviçin regiona son səfərinə dair hesabatına Ermənistandan qovulmuş azərbaycanlılar məsələsini qəsdən daxil etməməsinə diqqəti yönəldərək, bu etnik diskriminasiyanın səbəblərinə və öz dürüstlüyü qorumaq üçün bütün etnik qruplara qərəzsiz yanaşmanı necə təmin etdiyinə dair izahat verməyi komissardan tələb edib.

Sual qarşısında aciz qalan D.Miyatoviç, özünü təmizə çıxarmaq üçün Ermənistandan qovulan azərbaycanlılara qarşı qərəzi olmadığını bildirmiş və hesabatın guya ümumi xarakter daşıdığını iddia edərək növbəti yalanı danışmışdır. Həqiqət bundan ibarətdir ki, Miyatoviç Ermənistanda Azərbaycandan köçmüş ermənilərlə, Azərbaycanda isə Ermənistandan köçmüş ermənilərlə görüşsə də hesabatını müstəsna olaraq ermənilərə həsr edib və bir kəlmə də olsun azərbaycanlılardan bəhs etməyib.

Bütün bunlar Avropa Şurasının necə miskin durumda olduğunu, Avropa İnsan Hüquqları Konvensiyası başqa olmaqla insan hüquqları mexanizmlərindən mənfur məqsədlər üçün necə sui-istifadə edildiyini bariz şəkildə göstərir.

Oxşar xəbərlər

İcma: Ermənistan azərbaycanlılara qarşı irqi ayrı-seçkiliyi davam etdirir [xfgiven_updateblue][/xfgiven_updateblue]

BMT komitəsi Qərbi Azərbaycan İcmasının qaldırdığı məsələlərin icrasını Ermənistandan tələb edib [xfgiven_updateblue][/xfgiven_updateblue]

Rəsmi Bakıdan AŞPA-ya sərt reaksiya: Rədd edirik! [xfgiven_updateblue][/xfgiven_updateblue]

İcma: "Aİ-nin Azərbaycanın daxili işlərinə qarışması qəbuledilməzdir" [xfgiven_updateblue][/xfgiven_updateblue]

Ombudsman Ermənistanın əsir götürdüyü Azərbaycan hərbçilərinin məsələsini Miyatoviçlə müzakirə edib [xfgiven_updateblue][/xfgiven_updateblue]