Ermənistan hökuməti azərbaycanlılara qarşı irqi ayrı-seçkilik siyasətini davam etdirir.

“Sizinxeber.Az” xəbər verir ki, bu, Qərbi Azərbaycan İcmasının bəyanatında yer alıb.

Bəyanatda xatırlanır ki, Avropa Şurasının İnsan Hüquqları üzrə Komissarı Dunya Miyatoviç 2023-cü il oktyabrın 23-də Qərbi Azərbaycan İcmasını ziyarət edərək, Ermənistandan olan bir qrup azərbaycanlı qaçqınla görüşüb:

“Ermənistan tərəfi xüsusilə bu görüşdən sonra Qərbi Azərbaycan İcmasının beynəlxalq təşkilatlar çərçivəsində özünün insan hüquqları gündəliyi üzrə apardığı fəaliyyətə qarşı misli görünməmiş qarayaxma və təzyiq kampaniyası aparır.

Ermənistan Xarici İşlər Nazirliyinin mətbuat katibi 2023-cü il noyabrın 6-da açıq şəkildə bildirib ki, İrəvan bu ölkədən qovulmuş azərbaycanlılar məsələsi ilə məşğul olmasını dayandırması üçün Avropa Şurasının İnsan Hüquqları üzrə Komissarı Dunya Miyatoviçə ciddi təzyiqlər göstərir. Ermənistan XİN-in sözçüsü hətta iddia edib ki, rəsmi İrəvan göstərdiyi təzyiqlərə görə D.Miyatoviç səfərinin yekunlarına dair yaydığı mətbuat relizində Ermənistandan olan azərbaycanlı qaçqınlarla keçirdiyi görüşü barədə istinad verməyib.

Qərbi Azərbaycan İcması Ermənistanın həyata keçirdiyi qarayaxma kampaniyasını insan hüquqlarına, ifadə azadlığına və vətəndaş cəmiyyətinə qarşı təzyiq və hörmətsizlik hesab edir. Bu kampaniya bir daha onu sübut edir ki, Ermənistan hökuməti azərbaycanlılara qarşı irqi ayrı-seçkilik siyasətini davam etdirir və qovulmuş azərbaycanlıların öz evlərinə qayıtmasına imkan yaratmaq niyyəti yoxdur".

İcma beynəlxalq insan hüquqları təsisatlarını, ələlxüsus, Avropa Şurasının İnsan Hüquqları üzrə Komissarı Dunya Miyatoviçi Ermənistanın təzyiqlərinə məhəl qoymamağa və Ermənistandan qovulmuş azərbaycanlıların təhlükəsiz şəkildə və ləyaqətlə geri qayıtması məsələsi ilə məşğul olmaqda davam etməyə çağırıb.

Oxşar xəbərlər

BMT komitəsi Qərbi Azərbaycan İcmasının qaldırdığı məsələlərin icrasını Ermənistandan tələb edib [xfgiven_updateblue][/xfgiven_updateblue]

Ermənistanın Azərbaycana qarşı iddiaları... - XİN [xfgiven_updateblue][/xfgiven_updateblue]

Paşinyanın konfransda səsləndirdiyi iddialara - Rəsmi cavab [xfgiven_updateblue][/xfgiven_updateblue]

İcma: Ermənistan öz ordusunun qalıqlarını Azərbaycanın suveren ərazisindən çıxarmalıdır [xfgiven_updateblue][/xfgiven_updateblue]

Qərbi Azərbaycan İcması Roma Papasını Ermənistana təzyiq göstərməyə çağırıb [xfgiven_updateblue][/xfgiven_updateblue]