Azərbaycan və Rusiya xarici işlər nazirlərinin müavinləri Nyu-Yorkda görüşüb.

Sizinxeber.az-nın Moskva müxbiri Rusiya XİN-ə istinadən xəbər verir ki, BMT Baş Assambleyasının 79-cu sessiyasının yüksək səviyyəli həftəsi çərçivəsində Rusiya Federasiyası xarici işlər nazirinin müavini Sergey Verşinin ilə Azərbaycan xarici işlər nazirinin müavini Yalçın Rəfiyev arasında görüş keçirilib.

Görüş zamanı noyabrın 11-22-də Azərbaycanın sədrliyi ilə Bakıda BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP-29) iqlim gündəliyi ilə bağlı fikir mübadiləsi aparılıb.

Diplomatlar Nyu-Yorkda keçirilən BMT-nin Gələcək Sammitinin aktual məsələləri və inkişaf etməkdə olan ölkələrin üzləşdiyi problemlərə effektiv həll yollarının tapılmasının zəruriliyini də müzakirə ediblər.

Oxşar xəbərlər

Xarici işlər nazirinin müavini belaruslu həmkarı ilə görüşüb

Azərbaycan və Özbəkistan XİN-ləri arasında siyasi məsləhətləşmələr keçirilib

Rusiya nüvə silahı sınağı keçirə bilər

Rusiya və Türkiyə diplomatları Ermənistanla münasibətlərin normallaşmasını müzakirə ediblər

Ceyhun Bayramov İsrail XİN-in baş direktoru ilə görüşüb