Azərbaycan və Özbəkistan əməkdaşlıq üçün 20 yeni istiqamət müəyyən edib.

"Report" xəbər verir ki, bunu Özbəkistan Prezidenti Şavkat Mirziyoyev Azərbaycanın dövlət başçısı İlham Əliyevlə mətbuata bəyanatında deyib.

Ş.Mirziyoyev qeyd edib ki, Ali Dövlətlərarası Şuranın birinci iclası baş tutub: "Bu, müttəfiqlik münasibətlərimizin dərinləşməsi ilə bağlı yeni təkliflərin hazırlanması və həyata keçirilməsi üçün səmərəli mexanizmdir".

“Azərbaycanda ilk görüşümüzdə əməkdaşlığımızın 10 istiqaməti müəyyən olundu. Məmnuniyyətlə qeyd etmək istərdim ki, bu müqavilələrin heç biri kağız üzərində qalmayıb. Real nəticələrimiz var. Bu gün biz 20 yeni istiqamət müəyyən etmişik”, - o vurğulayıb.

Özbəkistan Prezidenti bildirib ki, ümumilikdə danışıqlar ənənəvi olaraq açıq və konstruktiv şəraitdə keçib: “Hesab edirəm ki, görüşümüzün uğurunun sübutu da budur”.

Oxşar xəbərlər

Mirziyoyev: Bakı ilə Daşkənd arasında ticarətin həcmini iki dəfə artırmaq üçün bütün əsaslar var

Mirziyoyev: Bakı və Daşkənd qarşısında sənaye əməkdaşlığının yeni mərhələsinə keçmək vəzifəsi durur

Daşkənddə Azərbaycan-Özbəkistan Ali Dövlətlərarası Şuranın birinci iclası keçirilib - YENİLƏNİB

Özbəkistan Prezidenti: COP29-da iştiraka ciddi hazırlaşırıq