Orta əsrlərdə Azərbaycan alimləri, ədibləri və şairləri ərəb dilində dəyərli əsərlər yazaraq İslam mədəniyyətinin zənginləşməsinə böyük töhfə vermişlər.

Sizinxeber.az xəbər verir ki, bunu Səudiyyə Ərəbistanı Krallığının ölkəmizdəki fövqəladə və səlahiyyətli səfiri İssam bin Saleh əl-Cuteyli BDU-da “Ərəb dili ayı”- nın açılış mərasimində deyib

“Sevindirici haldır ki, bu gün də Azərbaycanda ərəb dilinə böyük maraq var. Hazırda ölkədə 10 ümumtəhsil məktəbində 6 nüfuzlu universitetdə ərəb dili tədris olunur.

Biz inanırıq ki, ərəb dili mədəniyyətlər və xalqlar arasında körpü rolunu davam etdirəcək. O, bilik və elmlərə, kimliyin möhkəmlənməsinə, mədəni müxtəlifliyə, dialoqa və dünya sülhünə xidmət edəcək. Əlavə olaraq, ölkələrimiz və xalqlarımız arasında insani yaxınlaşmanı gücləndirəcəkdir”,- Səudiyyə Ərəbistanının ölkəmizdəki səfiri qeyd edib.

Qeyd edək ki, bu gün Bakı Dövlət Universitetində “Ərəb dili ayı” nın açılış mərasimi keçirilib.Səudiyyə Ərəbistanında fəaliyyət göstərən Kral Salman adına Beynəlxalq Ərəb Dili Akademiyasının təşəbbüsü ilə keçirilən tədbirdə 12 ərəb ölkəsinin səfiri, bir sıra universitetlərin rektorları və Azərbaycan XİN, Mədəniyyət nazirliyi, eləcə də Elm və Təhsil nazirliyinin rəsmi şəxsləri iştirak ediblər.

Oxşar xəbərlər

Səfir: Azərbaycanda 10 məktəb və 6 universitetdə ərəb dili tədris olunur

Rektor: Azərbaycanda son illər ərəb dilini öyrənənlərin sayı artıb

Rektor: BDU son illər bir sıra ərəb ölkələri ilə əməkdaşlığını genişləndirir

Prezidentin köməkçisi Səudiyyə Ərəbistanının Azərbaycandakı səfiri ilə görüşüb

Bakıda Səudiyyə Ərəbistanı Krallığının Milli Günü münasibətilə tədbir keçirilib