Ceyhun Bayramov iordaniyalı həmkarı ilə regional təhlükəsizliklə bağlı fikir mübadiləsi aparıb

Azərbaycan Respublikasının xarici işlər naziri Ceyhun Bayramov İordaniya Haşimilər Krallığının Baş nazirinin müavini və xarici işlər naziri Ayman Safadi ilə görüşüb.

Sizinxeber.az xəbər verir ki, bu barədə Azərbaycan XİN məlumat yayıb.

Nazirlər ikitərəfli münasibətlərin inkişafını müzakirə ediblər.

Eyni zamanda, tərəflər regional təhlükəsizliklə bağlı fikir mübadiləsi aparıblar, beynəlxalq və regional təşkilatlar çərçivəsində koordinasiyanın davam etdirilməsinə sadiqliklərini təsdiq ediblər.

Tərəflər həmçinin İsrail-İran münaqişəsi nəticəsində regional qeyri-sabitliyin artması ilə bağlı narahatlıqlarını vurğulayıblar.