Gələn həftə Milli Məclisin deputatları tətildən qayıdacaq.

“Report” xəbər verir ki, səlahiyyəti dövründə Milli Məclis ildə iki dəfə - iyul ayının 15-dən avqust ayının 30-dək və yanvar ayının 1-dən 15-dək tətilə buraxılır.

Tətil dövründə Milli Məclisin deputatları məzuniyyətdə sayılır.

Bundan başqa, Azərbaycan Konstitusiyasının 88-ci maddəsinin I hissəsinin birinci abzasına uyğun olaraq Milli Məclis hər il iki növbəti yaz və payız sessiyalarına yığılır. Yaz sessiyası fevralın 1-də başlanır və mayın 31-dək davam edir.

Əgər fevralın 1-i istirahət, səsvermə, iş günü hesab edilməyən bayram gününə düşərsə, sessiya bu gündən sonra gələn birinci iş günü öz işinə başlayır. Bu da o deməkdir ki, qanunverici orqanın yaz sessiyasında ilk plenar iclası fevralın 3-nə təsadüf edəcək.

Oxşar xəbərlər

Parlamentin payız sessiyasının ilk plenar iclası sentyabrın 30-da keçiriləcək

Milli Məclis tətilə buraxılır

Milli Məclis payız sessiyasında 84 qanun, 41 qərar qəbul edib

Milli Məclisin deputatları Gürcüstanda parlament seçkilərini izləyəcəklər

Milli Məclisin 2024-cü il payız sessiyası başa çatıb