Bakıda bir sıra obyektlər və memarlıq abidələri mavi rənglə işıqlandırılıb.

"Sizinxeber.az" xəbər verir ki, “Socar Tower”, “Alov qüllələri”, Qız qalası, “Hilton” otel, “Bakı Kristal Zal” kimi obyektlər və memarlıq abidələri Dünya Autizm Maarifləndirmə Günü ilə əlaqədar mavi rəngə boyanıb.

Aksiya ictimaiyyətin diqqətini autizmli şəxslər və onların problemlərinə yönəltmək, autizm haqqında kütləvi maarifləndirmə aparmaq məqsədilə həyata keçirilib.

Qeyd edək ki, hər il aprelin 2-də Dünya Autizm Maarifləndirmə Günü, aprel ayı isə Dünya Autizm Maarifləndirmə Ayı kimi qeyd edilir. Ay ərzində autizmə, neyromüxtəlifliyə və inklüzivliyə diqqət çəkməyə çalışılır. Həmin tədbirlər çərçivəsində hər il aprelin 2-də dünya miqyasında mötəbər binaların mavi rənglə işıqlandırılması aksiyası keçirilir.

Oxşar xəbərlər

Mütəxəssis: Valideyn autizmli övladının nitqinin inkişafını istəyirsə, onunla danışarkən konkret olmalıdır

Azərbaycanda 5 min autizm sindromlu əlilliyi olan şəxs var