Növbədənkənar parlament seçkiləri ilə əlaqədar səsvermə gününədək seçki komissiyalarının iclaslarını müşahidə etmək üçün qeydiyyatdan keçməklə xüsusi icazə almaqdan ötrü Mərkəzi Seçki Komissiyasına (MSK) müraciət edilməsi prosesi başa çatıb.

"Report" xəbər verir ki, bu, Mərkəzi Seçki Komissiyasının "Milli Məclisə növbədənkənar seçkilərin keçirilməsi üzrə əsas hərəkət və tədbirlərin Təqvim Planı"nda öz əksini tapıb.

Seçki Məcəlləsinə əsasən, seçki komissiyalarının iclaslarını aktiv seçki hüququna malik Azərbaycan Respublikasının vətəndaşları (öz təşəbbüsü ilə, qeydə alınmış namizədin, siyasi partiyanın, siyasi partiyalar blokunun, seçkilər sahəsində fəaliyyət göstərən qeyri-hökumət təşkilatının təşəbbüsü əsasında) müşahidə edə bilərlər.

Qanunvericiliyə görə, seçki komissiyalarının iclaslarını müşahidə etmək üçün qeydiyyatdan keçməklə xüsusi icazə almaqdan ötrü MSK-ya müraciət edilməsi prosesi seçkilərin təyin edilməsi haqqında sərəncamın rəsmi dərc olunduğu gündən başlayıb, seçkilərin keçirilməsinə 10 gün qalanadək yekunlaşdırılmalıdır.

Təqvim Planında bu tarix avqustun 22-dək nəzərdə tutulmuşdu.

Xatırladaq ki, Prezident İlham Əliyev iyunun 28-də altıncı çağırış Milli Məclisin buraxılması və Milli Məclisə növbədənkənar seçkilərin təyin edilməsi haqqında Sərəncam imzalayıb. Sərəncamla altıncı çağırış Milli Məclis buraxılıb və sentyabrın 1-nə növbədənkənar seçkilər təyin edilib.

Oxşar xəbərlər

Bütün seçki dairələrində müşahidə üçün ərizələrin MSK-ya təqdim edilməsi müddəti başa çatıb [xfgiven_updateblue][/xfgiven_updateblue]

Seçki bülletenlərinin hazırlanması prosesi başa çatıb [xfgiven_updateblue][/xfgiven_updateblue]

Deputatlığa namizədliyin qeydiyyatı üçün sənədlərin DSK-lara təqdim edilməsi müddəti başa çatıb - YENİLƏNİB [xfgiven_updateblue][/xfgiven_updateblue]

Deputatlığa namizədliyin qeydiyyatı üçün sənədlərin təqdim edilməsi müddəti başa çatır [xfgiven_updateblue][/xfgiven_updateblue]

Deputatlığa namizədliyin qeydə alınması üçün zəruri seçki sənədlərinin DSK-lara təqdim edilməsi prosesi başa çatır [xfgiven_updateblue][/xfgiven_updateblue]