Qax rayonunda mümkün sel təhlükəsinin qarşısını almaq məqsədilə qabaqlayıcı tədbirlər görülür.

"Sizinxeber.az"un Şimal-qərb bürosunun məlumatına görə, Azərbaycan Dövlət Su Ehtiyatları Agentliyinin (ADSEA) Qax rayonunda fəaliyyət göstərən yerli istismar idarəsinin texnikaları bu işlər üçün səfərbər edilib.

Hazırda Kürmük çayında məcra təmizləmə işləri həyata keçirilir. Bununla yanaşı, rayon ərazisindən axıb keçən digər dağ çaylarında da bu işlər yerinə yetirilir.

İdarənin baş mühəndisi Turan Şahidov "Sizinxeber.az"un yerli bürosuna bildirib ki, ilin əvvəlindən indiyədək çaylarda 227 min kub metrdən artıq məcra təmizləmə işləri görülüb:

"Selə qarşı mübarizə tədbirləri ilə yanaşı, suvarma suyunun əkin sahələrinə normal qaydada çatdırılmasını təmin etmək üçün suvarma kanalları mütəmadi olaraq lildən təmizlənir. Bundan başqa, su itkisinin qarşısının alınması istiqamətində torpaq məcralı kanallar beton üzlüyə alınır. Bu il texnikalar vasitəsilə 100 min kub metrdən artıq kanal lildən təmizlənib".

Qeyd edək ki, Qax rayonu ərazisində suvarılan sahələrə xidmət edən əsas mənbələr - Kürmük çayı, Qum çayı, Ləkit çayı, Zərnə çayı, Qapıçay çayı, Duruca çayı və qaynama qara sularıdır.

Oxşar xəbərlər

Oğuzda selin yaratdığı fəsadlar aradan qaldırılıb [xfgiven_updateblue][/xfgiven_updateblue]

ADY: Sərnişin qatarları qrafik üzrə hərəkət edir [xfgiven_updateblue][/xfgiven_updateblue]

Aeroport yolunda sürücülərin təhlükəsiz hərəkətini təmin etmək üçün tədbirlər görülür [xfgiven_updateblue][/xfgiven_updateblue]

Zaqatala və Qaxda elektrik enerjisi kəsilib [xfgiven_updateblue][/xfgiven_updateblue]

Azərbaycanda yerli istehsala aid suvarma sistemləri 60 % güzəştlə satılacaq [xfgiven_updateblue][/xfgiven_updateblue]