Azərbaycanın Gürcüstandakı səfirliyi dekabrın 9-da Tbilisidə keçiriləcək ənənəvi qış xeyriyyə yarmarkasında iştirak edəcək.

AZƏRTAC xəbər verir ki, Gürcüstanın Beynəlxalq Qadınlar Assosiasiyasının (IWA) təşkilatçılığı ilə Yeni il öncəsi baş tutacaq tədbirdə 30-a yaxın səfirlik və beynəlxalq təşkilatların nümayəndəlikləri iştirak edəcək.

Pavilyonda xalçalar, milli suvenirlər, əl işləri, şirniyyatlar, rəsmlər, dekorativ məmulatlar və s. təqdim olunacaq. Yarmarka ziyarətçilərinin milli mətbəxlər pavilyonunda Azərbaycan təamlarını dadmaq imkanı da olacaq.

Yarmarkadan əldə olunan vəsait Gürcüstan əhalisinin həssas qrupuna daxil olan insanlar üçün həyata keçiriləcək layihələrə yönəldiləcək.

Xətayi Əzizov

AZƏRTAC-ın xüsusi müxbiri

Tbilisi 

Oxşar xəbərlər

Azərbaycanın energetika naziri COP28 çərçivəsində təşkil olunacaq tədbirlərdə iştirak edəcək

Azərbaycan Prezidenti BƏƏ-nin Milli Günü münasibətilə keçirilən tədbirdə iştirak edib

Bəzi dövlətlər tropik xəstəliklərlə mübarizəyə 777 milyon dollar ayırmağı vəd edib

Əliyar Ağayev “Mançester Siti”nin Çempionlar Liqasındakı oyununu idarə edəcək

Azərbaycan 6-cı Çin Beynəlxalq İdxal Sərgisində təmsil olunur