İsrailin Qəzza zolağına endirdiyi zərbələr nəticəsində son 24 saat ərzində azı 63 fələstinli həlak olub.
APA xəbər verir ki, bu barədə Qətərin “Əl-Cəzirə” telekanalı məlumat yayıb.
Telekanal bildirib ki, İsrailin Qəzza zolağına bir həftədir davam edən hərbi mühasirəsini gücləndirməsi nəticəsində oktyabrın 10-dan bəri 63 fələstinli həlak olub.
Məlumatda həmçinin qeyd olunub ki, İsrailin 2023-cü il oktyabrın 7-dən Fələstinə hərbi təcavüzü nəticəsində 42 065 nəfər ölüb, 97 886 nəfər yaralanıb.
