Azərbaycanda təchizat zəncirinin optimallaşdırılmasının generativ süni intellektlə həlli hələ də mümkün deyil, daha çox klassik texnologiyaların tətbiqinə ehtiyac var.

"Sizinxeber.az" xəbər verir ki, bunu "PAŞA Bank" ASC-nin Data şöbəsinin direktoru İlker Kurtuluş Bakıda keçirilən "E-Commerce day of Azerbaijan 2025" tədbirində bildirib.

O, qeyd edib ki, süni intellekt mətn və nitq sahələrində müsbət nəticələr göstərsə də, strukturlaşdırılmamış sorğular üçün hələ də ən yaxşı həll klassik versiyadır: "Bu texnologiyaların düzgün şəkildə ayrılması və tam fayda təmin edilməsi vacibdir".

O, əlavə edib ki, Azərbaycanda ən yaxşı müştəri geri qayıdan müştəridir: "Müştəri geri qayıdıb problemi göstərir və daxili komandalarla əlaqənin möhkəmlənməsinə kömək edir. Müştərilərin səsinin eşidilməsi üçün texnologiyanın əhəmiyyəti böyükdür. Müştərinin geri dönməsi artıq asanlıqla izlənilir və bu məlumatlardan necə faydalanmaq lazım olduğunu anlamaq daha da asanlaşıb. "Chatbot"ların istifadə artıb, amma burada əsas məsələ onların sadəcə suallara cavab verməsi deyil, müştərinin istədiyi həlli təklif etməsi və bu işi agentlə birlikdə yerinə yetirməsidir".

Oxşar xəbərlər

Azərbaycanda süni intellektin inkişaf istiqamətləri formalaşdırılacaq

Rəşad Nəbiyev: "Azərbaycanda universitetlərin 70 %-də süni intellekt tədris olunacaq"

Cəlal Qasımov: "Süni intellekt səmərəliliyi artırır, amma idarəetmədə liderlərin rolu böyükdür"

Azərbaycanda süni intellektə malik yerli məlumat mərkəzinin yaradılması gözlənilir

Azay Quliyev: Azərbaycanda süni intellekt haqqında xüsusi qanunun qəbuluna ehtiyac var