Bakcell şirkətinin baş icraçı direktoru Klaus Müller 6 fevral 2026-cı il tarixində tutduğu vəzifədən ayrılıb.

Bu barədə "APA-Economics"ə şirkətdən bildirilib.

Belə ki, telekommunikasiya sahəsində 30 ildən çox beynəlxalq təcrübəyə malik Klaus Müller təqaüdə çıxmaq qərarını elan edib.

Klaus Müllerin rəhbərliyi dövründə Bakcell strateji inkişaf mərhələsinə daxil olub, süni intellekt əsaslı həllərin tətbiqi genişlənib, innovativ məhsul və xidmətlər təqdim edilib, şirkətin rebrendinqi həyata keçirilib, xidmət portfeli genişləndirilib və abunəçi təcrübəsinin təkmilləşdirilməsi istiqamətində mühüm addımlar atılıb.

“Üç ildən artıq müddət ərzində komanda ilə birlikdə xüsusilə süni intellekt əsaslı xidmətlərin inkişafı istiqamətində önəmli nəticələr əldə etdik. Yerli və beynəlxalq tərəfdaşlıqlar vasitəsilə abunəçilərimizə yeni məhsul və imkanlar təqdim etdik. Bakcell komandasının hər biz üzvünə göstərdikləri peşəkarlıq və əməkdaşlığa görə təşəkkür edirəm. Əminəm ki, Bakcell Azerconnect Group-un innovasiya ekosisteminin bir hissəsi kimi gələcəkdə də öz uğurlu inkişafını davam etdirəcək”, - deyə Klaus Müller qeyd edib.

Bakcell Klaus Müllerə şirkətin strateji inkişafına və əldə etdiyi nailiyyətlərə verdiyi töhfəyə görə təşəkkür edir və gələcək fəaliyyətində uğurlar arzulayır.

Oxşar xəbərlər

"Bakcell" “INMerge” İnnovasiya Sammitinin əsas tərəfdaşıdır

"Bakcell" ölkəmiqyaslı rebrendinqinin ilk ildönümünü qeyd edir - VİDEO

“Bakcell” və “Uber” tərəfdaşlığı genişlənir

“Bakcell” “İnnovasiyalarla Müxtəlifliyə Doğru” tədbirinə dəstək olub

"Bakcell" mobil tətbiqi süni intellekt dəstəkli təkliflər dövrünə keçir