Gəndob-Yalama yolunun Şabran rayonu ərazisindən keçən hissəsində böyük qovaq ağacı yolun hərəkət hissəsinə aşıb.

Sizinxeber.Az Azərtac-a istinadən xəbər verir ki, hadisə aprelin 30-u axşam saatlarında baş verib.

Böyük diametrli ağacın Ağalıq kəndi ərazisində yola aşması nəticəsində Gəndov -Yalama yolunda avtomobillərin hərəkəti təxminən bir saat müddətində məhdudlaşdırılıb. Hadisə zamanı xəsarət alan olmayıb.

Əraziyə dövlət yol polisi əməkdaşları və müvafiq dövlət qurumlarının nümayəndələri cəlb olunub. Qovaq ağacı kəsilərək, traktor vasitəsilə yolun hərəkət hissəsindən kənarlaşdırılıb. Bundan sonra avtomobillərin hərəkəti bərpa olunub.

Oxşar xəbərlər

Şabranda iki avtomobil toqquşub, 9 nəfər xəsarət alıb

Salyanda güclü külək çoxillik ağacı avtomobilin üzərinə aşırıb

Şabranda avtomobil ağaca çırpılıb, iki qardaş ölüb

Şabranda traktor minik maşını ilə toqquşub, ölən və yaralananlar var - FOTO

Bakda külək ağacı aşırıb