Yunan-Roma güləşi üzrə Azərbaycan millisi növbəti təlim-məşq toplanışına başlayıb.

"Report" Güləş Federasiyasının mətbuat xidmətinə istinadən xəbər verir ki, Vladiqafqaz toplanışını başa vuran yığma bir neçə günlük fasilənin ardından Qubaya yollanıb.

Azərbaycan güləşçiləri ABŞ millisi ilə birgə Şimal bölgəsində təlim-məşq toplanışı keçəcək. Bu gün startı verilən hazırlıq prosesi iyunun 6-dək davam edəcək.

Toplanışda baş məşqçi Aleksandr Tarakanov, böyük məşqçi Rövşən Bayramov, məşqçilər Həsən Əliyev və Kamran Məmmədovun rəhbərliyi altında Eldəniz Əzizli, Elmir Əliyev, Rəşad Məmmədov (hamısı 55 kq), Nihat Məmmədli, Nihad Quluzadə, İlkin Qurbanov, Hüseyn Qəribov (hamısı 60 kq), Murad Məmmədov, Ziya Babaşov, Fərid Baxışlı (hamısı 63 kq), Həsrət Cəfərov, Fərid Xəlilov, Məhəmməd Şükürzadə (hamısı 67 kq), Ülvü Qənizadə, Ruslan Nurullayev (hər ikisi 72 kq), Sənan Süleymanov, Xasay Həsənli (hər ikisi 77 kq), Qurban Qurbanov, Tuncay Vəzirzadə (hər ikisi 82 kq), İslam Abbasov, Rafiq Hüseynov (hər ikisi 87 kq), Arif Niftullayev, Murad Əhmədiyev, Məhəmməd Əhmədiyev (hamısı 97 kq), Beka Kandelaki və Sərxan Məmmədov (hər ikisi 130 kq) iştirak edir.

Qeyd edək ki, Quba toplanışı iyulun 17-20-si aralığında Macarıstanda keçiriləcək ilin son reytinq turnirinə, eləcə də sentyabrın 13-21-də Xorvatiyada təşkil ediləcək dünya çempionatına hazırlıq xarakteri daşıyır.

Oxşar xəbərlər

Azərbaycan güləşçiləri Rusiyada toplanışa başlayıblar

Azərbaycanın yunan-Roma güləşi millisi Vladiqafqazda toplanışa başlayıb

Azərbaycan güləşçiləri Xorvatiyada ilin ilk reytinq turnirində iştirak edəcəklər

Yunan-Roma güləşi üzrə Azərbaycanın U-23 millisi Avropa çempionatının qalibi olub

Azərbaycan güləşçiləri dünya çempionatında iştirak edəcəklər