Azərbaycan Milli Antidopinq Agentliyi (AMADA) yunan-Roma və sərbəst güləş üzrə milli komandaların gənc üzvləri üçün antidopinq mövzusunda maarifləndirmə seminarı keçirib.

AMADA-nın mətbuat xidmətindən "Sizinxeber.az"a verilən məlumata görə, idmançılara antidopinq qayda pozuntuları, dopinq nəzarəti prosesi, bu prosesdə idmançıların hüquq və öhdəlikləri, terapevtik istifadə üçün istisnalar, qadağan edilmiş maddələrdən istifadənin fəsadları, onların qəbuluna görə tətbiq olunan cəzalar, qadağan edilmiş siyahı, məkan məlumatı və ADAMS sistemi kimi vacib mövzularla bağlı ətraflı məlumat verilib.

İnteraktiv şəkildə keçirilən seminarda iştirakçıları maraqlandıran suallar cavablandırılıb.

Seminar gənc idmançıların həm fiziki, həm də mənəvi cəhətdən sağlam inkişafına töhfə verməklə yanaşı, idmanda ədalət prinsiplərinin möhkəmləndirilməsi məqsədi daşıyıb. İdmançılara antidopinq qaydalarına riayət etməyin önəmi vurğulanıb, düzgün qərar qəbul etmək üçün lazım olan bilik və bacarıqlar diqqətə çatdırılıb.

Oxşar xəbərlər

AMADA Azərbaycan Ağırlıqqaldırma Federasiyası üçün seminar təşkil edib

AMADA Azərbaycan Voleybol Federasiyası üçün seminar təşkil edib 

AMADA qadın boksçular üçün seminar təşkil edib

AMADA Azərbaycan Kikboksinq Federasiyası üçün seminar təşkil edib

AMADA Paris-2024-ə lisenziya qazanan Azərbaycan güləşçiləri üçün seminar təşkil edib