Ali təhsil müəssisələrinin magistraturalarına qəbul imtahanının ikinci cəhdində iştirak etmək üçün qeydiyyat bu gün saat 23:59-da başa çatır.

"Sizinxeber.az" xəbər verir ki, bu barədə Dövlət İmtahan Mərkəzi (DİM) məlumat yayıb.

Məlumata əsasən 17 min 4 bakalavr ərizəsini təsdiq edib. Bunlardan 15 min 760-ü Azərbaycan bölməsi, 1 244-ü isə rus bölməsidir.

Bakalavrlar imtahanın ikinci cəhdinə iştirak etmək istədikləri təqdirdə “Şəxsi kabinet”lərinin hesabına tələb olunan məbləği əlavə edib Mərkəzin internet saytının müvafiq səhifəsinə (https://eservices.dim.gov.az/erizemag/erize) daxil olmaqla qeydiyyatdan keçirlər.

Hesaba məbləği əlavə etmək üçün ödəniş üsulları ilə epayment.dim.gov.az internet səhifəsində tanış olmaq mümkündür.

Qeyd edək ki, imtahan mayın 11-də keçiriləcək.

Oxşar xəbərlər

Magistraturaya sənəd qəbulu bu gün başa çatır

Magistraturaya qəbul imtahanının ikinci cəhdinə qeydiyyat elan edilib

DİM magistraturaya qəbul elan edib

Bu gün 800-ə yaxın bakalavr magistraturaya sınaq imtahanı verəcək

2025/2026-cı tədris ili üçün rezidenturaya ərizə qəbulu elan edilib