Alimlər 15 ildən sonra Yerin daxili nüvəsinin fırlanmasının dayanma ehtimalını irəli sürüblər.

“Report” xəbər verir ki, bu barədə məqalə “Nature” elmi jurnalının saytında dərc edilib.

Mütəxəssislər xatırladıblar ki, planetin nüvəsi onun maqnit sahəsinin formalaşmasında mühüm rol oynayır.

Materialda qeyd olunub ki, Yerin mərkəzində radiusu təxminən 1 200-1 300 kilometr olan qızmış nüvə yerləşir. O, nikel və dəmirdən ibarətdir və maye xarici halqa ilə əhatə olunub. Öz növbəsində, halqa 30 kilometr dərinlikdə başlayan və səthindən təxminən 2,9 min kilometr dərinlikdə bitən mantiya ilə əhatə olunub.

Alimlər vurğulayıblar ki, daxili nüvə 1970-ci illərin əvvəllərindən qərbdən şərqə doğru fırlanırdı. 2009-2010-cu illərdə onun fırlanması tamamilə dayandı. Hazırda nüvə Yer səthinin fırlanmasına nisbətən yavaş və əks istiqamətdə hərəkət edir.

Mütəxəssislər nüvənin fırlanma istiqamətinin dəyişməsini geodinamo kimi tanınan proses vasitəsilə maqnit sahəsinin yaranmasındakı rolu ilə əlaqələndiriblər. Məqalədə qeyd olunub ki, 2040-cı ilə qədər daxili nüvə dayanacaq. Daha sonra, ehtimal ki, o, yenidən Yerin özü ilə eyni istiqamətdə fırlanmağa başlayacaq.

Oxşar xəbərlər

ABŞ öz nüvə başlıqlarının sayını açıqlayıb

Alimlər Ayın görünməsi ilə bağlı yeni nəzəriyyə irəli sürüblər

Araşdırma: Patogen mikroblar havada minlərlə kilometr məsafə qət edə bilər

Alimlərin yeni tədqiqatı: Buzlaqların əriməsi sunami riskini artırır

Alimlər Günəş sistemindən kənarda su tapıblar