Bayram günləri və şənbə-bazar günləri nəzərə alınmaqla payız tətilindən sonra ilk dərs günü altı günlük iş həftəsi ilə işləyən ümumi təhsil müəssisələrində 23 noyabr 2024-cü il tarixdə, beş günlük iş həftəsi ilə işləyən ümumi təhsil müəssisələrində isə 25 noyabr 2024-cü il tarixdə olacaq.

APA xəbər verir ki, bu barədə Məktəbqədər və Ümumi Təhsil üzrə Dövlət Agentliyi məlumat yayıb.

Bildirilib ki, qeyri-iş günləri istisna olmaqla, COP 29-un keçiriləcəyi dövrdə dövlət məktəbəqədər təhsil müəssisələrində tədris prosesi fasiləsiz davam edəcək.

Qeyd edilib ki, Azərbaycan Respublikasının Nazirlər Kabineti COP29-un keçiriləcəyi dövrdə ölkə ərazisində təhsil müəssisələrinin fəaliyyətinin təşkilinə dair qərar qəbul edib. Qərara əsasən, ümumi təhsil müəssisələrində payız tətili 2024-cü il noyabrın 12-dən 22-dək olacaq.

Oxşar xəbərlər

Məktəblərdə payız tətilindən sonra ilk dərs gününün vaxtı açıqlanıb

Ümumi təhsil pilləsi üzrə təhsil müəssisələrində payız tətilinin vaxtı dəyişib

Bu gün Azərbaycanda ilk dərs günüdür

COP29-la əlaqədar şagirdlər payız tətilinə buraxılacaq, Bakı, Sumqayıt və Abşeronda tələbələr distant təhsil alacaq

Builki tədris ilində məktəblərdə təhsil alacaq şagirdlərin sayı açıqlanıb