Qarabağ Universitetinin tələbəsi gənclərə çağırış edib

Gələcəkdə tələbə adını qazanmaq istəyənləri Qarabağ Universitetini seçmələrini tövsiyə edirəm.

Bunu “Sizinxeber.az”un Xankəndi şəhərinə ezam olunmuş əməkdaşına açıqlamasında Aişən Məmmədli deyib.

Onun sözlərinə görə, Ağdam rayonu 150 nömrəli tam orta məktəbin məzunu olub, bu il 520.9 balla Qarabağ Universitetinə daxil olub:

"İxtisasım riyaziyyat müəllimliyidir. Çox sevincliyəm, möhtərəm dövlət başçısının dəstəyi sahəsində bu gün buradayıq. Düşünürəm ki, universitetimiz gələcəkdə daha da inkişaf edəcək. Valideynlərim də mənə Qarabağ Universitetini seçməkdə dəstək oldular. Həm universitetdə, həm də yataqxanada tələbələr üçün hər cür şərait yaradılıb".