Bakı, Sumqayıt şəhəri, Lənkəran və Xaçmaz rayonlarının inzibati ərazisində yaşıllıqların qanunsuz kəsilməsi halları aşkarlanıb.

Bu barədə "Sizinxeber.az"a Dövlət Ekoloji Təhlükəsizlik Xidmətindən məlumat verilib.

Belə ki, Bakı şəhəri Nərimanov rayonu Şəmsi Rəhimov küçəsində, Nizami rayonu Kamil Balakişiyev və Nəsimi küçələrinin kəsişməsində, Sumqayıt şəhəri Bulvar küçəsində, Lənkəran rayonu Sinovlu kəndi və Xaçmaz rayonu Çiləgir kəndi ərazisində ağac və kolların qanunsuz kəsilməsi nəticəsində yaşıllıqlara ümumilikdə 68 490 manat məbləğində ziyan dəydiyi müəyyən edilib.

Hər bir fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi məqsədilə toplanmış materiallar hüquq-mühafizə orqanlarına göndərilməsi üçün hazırlanır.

Oxşar xəbərlər

Son həftə qanunsuz ağac kəsimi ilə bağlı təbiətə 144 min manatdan çox ziyan dəyib

Bakı və iki rayonda yaşıllıqların qanunsuz kəsilməsi faktları aşkar olunub

Qanunsuz ağac kəsintisi ilə bağlı təbiətə 117 300 manatlıq ziyan dəyib

Təbiətə 381 min manatlıq ziyan vurulması ilə bağlı materiallar hüquq-mühafizə orqanlarına göndəriləcək

Bakıda ağaclar qanunsuz kəsilib, təbiətə 30 min manatlıq ziyan dəyib