"Beynəlxalq hüquqa görə, insanların girov götürülməsi qadağan olunsa da, burada insanlar girov götürülməklə yanaşı, işgəncələrlə qətlə yetirilib. Onlar qətlə yetirildikdən sonra burada kütləvi şəkildə dəfn olunub".

Sizinxeber.az-nın Qarabağ bürosu xəbər verir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupu rəhbərinin müavini Eldar Səmədov jurnalistlərə açıqlamasında deyib.

Onun sözlərinə görə, Azərbaycan tərəfi uzun müddət həm Xocalı soyqırımı zamanı, eləcə də Ermənistanın Azərbaycana təcavüzü nəticəsində itkin düşmüş vətəndaşların taleyinin araşdırılması ilə bağlı beynəlxlaq təşkilatların vasitəsi ilə Ermənistana sorğular göndərib: "Bu insanların taleyi ilə bağlı faktları Ermınistan tərəfi gizlətməyə davam edir".

E. Səmədov qeyd edib ki, aşkarlanan meyit qalıqlarında zorakılıq izləri aşkar görünür: "Onların ayaq, əl və kəllə sümüklərində küt alətlərlə vurulmuş zədələr var. Meyit qalıqları üzərində işgəncə izləri aşkar görünür. Geyimlərdən görünür ki, bu qalıqlar mülki şəxslərə aiddir. Mütəxəssislərin rəyinə görə, onların arasında qadınlar çoxluq təşkil edir. Qazıntı prosesi davam edir. Ola bilsin ki, yerin aşağı laylarında yenə meyit qalıqları tapılsın".

Oxşar xəbərlər

Dövlət Komissiyası: Xocalıda tapılan kütləvi məzarlıq göstərir ki, ermənilərin dediyi humanitar dəhliz olmayıb

Dövlət Komissiyası: Xocalıda tapılan sonuncu kütləvi məzarlıqda ekshumasiya işləri davam edir

Xocalı soyqırımı zamanı itkin düşənlərin sayı 196 nəfərə çatıb, 200-ü keçəcək

Şuşa və Xocalıda kütləvi məzarlıqlar aşkarlanıb - FOTO

Dövlət Komissiyası: Yaxın vaxtlarda taleyi aydınlaşdırılmayan itkinlərimizlə bağlı ailələrinə yeni məlumat verəcəyik