Suraxanı rayonu Əmircan qəsəbəsində yerləşən ölkə əhəmiyyətli memarlıq abidəsi olan Nizaməddin məscidinin zirzəmi hissəsində insan sümüklərinin mövcudluğu ilə bağlı müxtəlif fikirlər var.

Bu barədə APA-nın sorğusuna cavab olaraq, Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən məlumat verilib.

"Əraziyə mütəxəssislərin iştirakı ilə baxış keçirildikdən sonra sözügedən məsələ barədə dəqiq fikir söyləmək mümkün olacaq və bundan sonra atılacaq addımlar müəyyən ediləcək", - açıqlamada bildirilib.

Qeyd edilib ki, Suraxanı rayonu Əmircan qəsəbəsində yerləşən ölkə əhəmiyyətli memarlıq abidəsi olan Nizaməddin məscidində bir neçə il öncə bərpa işləri aparılıb: "Tarixi abidənin mühafizə olunmasına Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin abidə mühafizəçiləri tərəfindən nəzarət olunur".

Oxşar xəbərlər

Bakıda söküntü aparılacaq ərazilərdəki 72 mədəni-tarixi abidənin taleyinə aydınlıq gətirilib

Bakıda memarlıq abidəsinə müdaxilə edilib, söküntü işləri dayandırılıb

Cəlilabadda iki tarixi abidə bərpa ediləcək

Türk Mədəniyyəti və İrsi Fondu Füzulinin Qoçəhmədl kəndindəki məscidin bərpasına dəstək göstərək

Kiçik Mərdəkan qəsri bərpa ediləcək