Təyyarə qəzasında ölənlərin xatirəsinə ehtiram əlaməti olaraq Qazaxıstanın bir sıra limanlarında Xəzərə əklillər buraxılıb - FOTO

AZAL-ın "Bakı - Qroznı" reysi ilə hərəkət edərkən qəzaya uğrayan təyyarənin həlak olan sərnişinlərin xatirəsinə ehtiram əlaməti olaraq Qazaxıstanın Aktau, Kurık və Bautino limanlarında Xəzər dənizinə əklillər buraxılıb.

APA-nın məlumatına görə, Manqistau vilayətinin sakinləri Azərbaycan xalqına dəstəyini ifadə edərək, bir daha analoji faciələrin yaşanmamasını arzulayıblar.

Vilayətin akimi Nurdaulet Kilıbay çıxış edərək Qazaxıstan hökumətinin təyyarə qəzası nəticəsində xəsarət alanlara hərtərəfli dəstək göstərdiyini söyləyib.