Güclü külək nəticəsində Mingəçevir şəhəri ərazisində 120 ədəd ağac qırılıb, küçələrdə nəqliyyat vasitələrinin hərəkətinə maneə yaranıb.

APA xəbər verir ki, bu barədə Mingəçevir şəhər Fövqəladə Hallar Komissiyası məlumat yayıb.

Qeyd olunub ki, 15 yaşayış binasının dam örtüyünü külək uçurub, 9 fərdi evin dam örtüyünə ziyan vurub, 3 ədəd fərdi evin həyətində daş hasar aşıb. Qopan dam örtüyünün şiferləri 3 ədəd nəqliyyat vasitəsinin üzərinə düşərək zədələyib, 1 səhiyyə, 1 mədəniyyət, 3 təhsil müəssisəsinin binasının dam örtüyünə, 1 yanacaqdoldurma məntəqəsinə ziyan dəyib.

Bundan başqa, telefon, işıq və internet xətləri qırılıb. Şəhərdə elektrik enerjisinin təchizatında fasilə yaranıb.

Bildirilib ki, şəhər Fövqəladə Hallar Komissiyası tərəfindən dərhal təxirəsalınmaz tədbirlər həyata keçirilməyə başlanıb, hazırda bərpa işləri davam etdirilir.

***

13.05

Dünən axşam saatlarından etibarən Mingəçevirdə əsən güclü külək fəsadlar törədib.

APA-nın yerli bürosu xəbər verir ki, güclü külək nəticəsində şəhərdə irigövdəli ağaclar aşıb. Külək yaşayış binasının damını uçurub, elektrik naqilləri və internet xətləri qırılıb.

Hazırda şəhərin müxtəlif ərazilərində qeydə alınan fəsadların aradan qaldırılması istiqamətində işlər aparılır.

Oxşar xəbərlər

Mingəçevirdə ağac avtoyuma işçisinin üstünə aşıb

Mingəçevirdə dərədə köməksiz qalan şəxs xilas edilib - VİDEO

Mingəçevirdə ağac aşıb, avtoyuma işçisi xəsarət alıb

Güclü külək Mingəçevirdə problemlər yaradıb - FOTO

Zaqatalada güclü külək yaşayış binasının dam örtüyünü uçurub