Ədliyyə naziri Fərid Əhmədov 26 sentyabr tarixində Göygöl rayon Heydər Əliyev Mərkəzində vətəndaşları qəbul edib.

Bu barədə Sizinxeber.az-ya Ədliyyə Nazirliyindən bildirilib.

Qəbuldan əvvəl nazir Ümummilli Lider Heydər Əliyevin abidəsini ziyarət edib və önünə gül dəstəsi qoyub.

Qəbulda Göygöl, Daşkəsən, Samux, Goranboy, Naftalan və Xocalı rayon sakinlərinin ədliyyə fəaliyyəti ilə bağlı müraciətləri dinlənilib. Vətəndaşların müraciətlərində qaldırılan məsələlərin bir qismi yerində müsbət həllini tapıb. Əlavə araşdırma tələb edən digər müraciətlərə isə mövcud qanunvericiliyin tələblərinə uyğun şəkildə baxılması ilə bağlı nazirliyin aidiyyəti struktur bölmələrinin rəhbər şəxslərinə müvafiq tapşırıqlar verilib.

Qeyd edək ki, qəbul mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən şəhər və rayonlarda vətəndaşların qəbulu cədvəlinə əsasən həyata keçirilib.

Oxşar xəbərlər

Ədliyyə naziri Şamaxıda vətəndaşları qəbul edib

Ədliyyə naziri Qusarda vətəndaşları qəbul edib

Nazir Fərid Əhmədov Qusar şəhərində vətəndaşları qəbul edib

Fərid Əhmədov Şamaxıda vətəndaşları qəbul edib

Mədəniyyət naziri Gədəbəydə vətəndaşların müraciətlərini dinləyib