Dövlət Sərhəd Xidmətinin (DSX) Sərhəd Qoşunlarının hərbi qulluqçuları Zəngilan rayonunun dağlıq ərazisində köməksiz vəziyyətdə cüyür balası aşkar ediblər.

Bu barədə "Report"a DSX-dən məlumat verilib.

Bildirilib ki, baytar həkimin ilkin tibbi yardımından sonra zəruri tədbirlər görülərək onun təhlükəsiz əraziyə təxliyəsi həyata keçirilib. Hazırda cüyür balasının aidiyyəti dövlət qurumuna təhvil verilməsi istiqamətində müvafiq tədbirlər görülür.

"İşğaldan azad olunmuş ərazilərdə dövlət sərhədinin mühafizəsi ilə yanaşı, ətraf mühitin və biomüxtəlifliyin qorunması, nadir və nəsli kəsilməkdə olan fauna növlərinin mühafizəsi Dövlət Sərhəd Xidmətinin daim diqqət mərkəzində saxlanılır. Xidməti ərazilərdə ekoloji təhlükəsizliyin təmin olunması, təbii sərvətlərin qorunması və ekosistemin mühafizəsi məqsədilə aidiyyəti dövlət qurumları ilə qarşılıqlı əməkdaşlıq şəraitində ardıcıl tədbirlər həyata keçirilir", - DSX-nin məlumatında bildirilib.

DSX hərbçiləri Zəngilanda dağlıq ərazidə köməksiz qalan cüyür balasını xilas ediblər

Oxşar xəbərlər

Zəngilanda dağlıq ərazidə köməksiz qalmış cüyür balasını əsgərlər xilas edib - VİDEO

İsmayıllıda dağlıq ərazidə zədə alaraq köməksiz vəziyyətdə qalan şəxs xilas edilib

General: DSX-nin Sahil Mühafizəsi müxtəlif ölkələrdə keçirilmiş kurslarda iştirak edirlər

Qəbələdə dağlıq ərazidə köməksiz vəziyyətdə qalan şəxs xilas edilib

Mövqeyimiz atəşə tutuldu, hərbçimiz yaralandı