1 iyul 2024-cü il tarixindən sonra xüsusi hazırlıq keçmiş taksi minik avtomobili sürücüləri DİM-in internet saytında (https://ekabinet.dim.gov.az/) “Şəxsi kabinet” yaratmalı və 6 avqust saat 15:00‑dan 20 avqust saat 23:59-dək “Taksi minik avtomobillərinin sürücülərinin etik davranış və avtomobil nəqliyyatı ilə sərnişin daşımalarını tənzimləyən normativ hüquqi aktlara dair xüsusi hazırlığının qiymətləndirilməsi üzrə test imtahanında iştirakı üçün qeydiyyat” xidməti vasitəsilə qeydiyyatdan keçməlidirlər.

APA xəbər verir ki, bu barədə Dövlət İmtahan Mərkəzinin yaydığı məlumatda bildirilib.

Qeyd edilib ki, “Şəxsi kabinet”in yaradılması və hesaba lazımi vəsaitin əlavə olunması qaydaları ilə bağlı təlimatlar yuxarıdakı keçidə yerləşdirilib.

İmtahanda iştirak ödənişlidir. Namizədlər “Şəxsi kabinet” yaratdıqdan sonra həmin kabinetin pul hesabına imtahanda iştirak etmək üçün tələb olunan 35 AZN məbləğində vəsaiti əlavə etməlidirlər. Qeydiyyatdan keçmiş imtahanda iştirak etməyən namizədlərin ödədiyi məbləğ geri qaytarılmır.

Test imtahanı Dövlət İmtahan Mərkəzinin elektron imtahanlar korpusunda (Bakı şəhəri, Binəqədi rayonu, S.S.Axundov, 108. TÜRKPA-nın yanı) kompüterlər vasitəsilə keçiriləcək. Namizədlər “İmtahana buraxılış vərəqəsi”ni qeydiyyat prosesi başa çatdıqdan sonra, imtahana 3-4 gün qalmış DİM-in saytından "Elektron imtahanlara buraxılış vərəqələri və nəticələrin çapı" xidməti vasitəsi ilə çap edə biləcəklər.

Oxşar xəbərlər

DİM taksi sürücülərinin imtahan vaxtını açıqlayıb [xfgiven_updateblue][/xfgiven_updateblue]

Taksi sürücülərinin imtahan vaxtı məlum olub [xfgiven_updateblue][/xfgiven_updateblue]

Jurnalistikaya qabiliyyət imtahanının vaxtı açıqlanıb [xfgiven_updateblue][/xfgiven_updateblue]

Tələbələrin köçürülməsi üçün elektron sənəd qəbulunun müddəti uzadılıb [xfgiven_updateblue][/xfgiven_updateblue]

Taksi fəaliyyətinə dair yeni tələblər hazırlanaraq Nazirlər Kabinetinə təqdim edilib [xfgiven_updateblue][/xfgiven_updateblue]