Milli Depozit Mərkəzi (MDM)“Elektron müraciət sistemi”ni istifadəyə verib.

"Sizinxeber.az-Economics" bu barədə MDM-ə istinadən xəbər verir. Qeyd edilib ki, məqsəd fiziki və hüquqi şəxslər üçün elektron müraciət imkanlarının genişləndirilməsi və müraciətlər üzrə məlumat əlçatanlığının təmin olunmasıdır.

Bu sistem vasitəsilə müraciətlərin daha sürətli və rahat şəkildə reallaşdırılması təmin edilib. Müraciət edənlər “Elektron müraciət sistemi”nə https://e-mdm.gov.az/ link vasitəsilə keçid edə bilərlər. “Elektron müraciət sistemi”ndə təqdim olunan məlumatların təhlükəsizliyinin təmin edilməsi məqsədilə gücləndirilmiş rəqəmsal imza vasitələri tətbiq olunub.

Bildirilib ki, sistem eyni zamanda, Milli Depozit Mərkəzinin 2024-2026-cı illər üzrə İnkişaf Strategiyasının “Əməliyyat və xidmət effektivliyinin artırılması” hədəfi çərçivəsində rəqəmsallaşma səviyyəsinin artırılması, tam funksional və çevik İT infrastrukturun yaradılması və müştəri mərkəzli yanaşmaya keçid əsasında istifadəyə verilib.

Oxşar xəbərlər

Diplomların tanınması elektron müraciət sistemi sentyabrın birinədək dayandırlır

FHN-in elektron xidmətlər portalı yenilənib

Azərbaycanda ilk dəfə səhmdarların elektron səsvermə sistemi yaradılıb

Şagirdlərin məktəbdənkənar təhsil müəssisələrinə elektron qeydiyyatı başa çatıb

Bakıda I sinfə qəbulla bağlı 40 383 sorğu yerləşdirilib